Virusi COVID 19 , tashmë prej javësh ka kaluar kufijtë e Kinës aty ku dhe nisi e gjithë historia. Rastet e shumta tashmë kanë mbërthyer Italinë fqinjë, por ditët e fundit edhe Greqinë, e Maqedoninë e Veriut. Sipas të dhënave të OBSH, më shumë se 2700 persona kanë humbur jetën nga koronavirusi, ndërsa nr i të prekurve ka shkuar mbi 80 mijë persona. “Ëorldometers”, e cila publikon në kohë reale të dhëna nga koronavirusi dhe jo vetëm, bën të ditur se deri tani mbi 33 mijë pacientë kanë arritur të shërohen nga ky virus. Nisur nga kjo situatë autoritet shëndetësore kanë marrë shtuar masat e emergjencës shëndetësore, ndërkohë që për të gjithë ata që shfaqin shenja të ndryshme, kollë, temperaturë, pamjaftueshmëri të frymëmarrjes është vënë në dispozicion numri i telefonit, 127. Për të marrë të dhënat më të fundit rreth situatës në vend, por edhe si ka qenë fluksi i telefonatave këto ditë që prej përhapjes me shpejtësi të koronavirusit ishim në një lidhje direkte në Qendrën Kombëtare të Urgjencës Mjekësore me drejtorin Skënder Brataj. Ky i fundit tha se gjatë kësaj periudhe paniku janë skeduar 70 raste të identifikuara si të dyshuara nga historiku i tyre dhe nga këta 70 të skeduar për 13 prej tyre janë marrë mostra të analizave të cilat kanë rezultuar negative. "Ndërkohë që flasim kemi edhe një rast të dyshuar për të cilin po presim përgjigjen e analizave".