Dhoma Amerikane e Tregtisë deklaroi dje se klima e biznesit në Shqipëri është përkeqësuar. 68% e kompanive e konsiderojnë klimën në Shqipëri të pafavorshme, 26% e konsiderojnë neutrale dhe 6% të favorshme. Nga 43% në 2018, Indeksi i Biznesit ka rënë në 38% në 2019. Dhoma Amerikane theksoi se “rezultatet nuk janë të mira dhe se ka rënie të Indeksit të Biznesit me 5%, që përbën uljen më të madhe të 8 viteve”. Këto janë të dhënat që i referohen vitit të shkuar, por situata me pandeminë duket se i ka përkeqësuar edhe më tej gjërat. Dhe një tregues domethënës për këtë ishte thuajse stopimi apo reduktimi i reklamave dhe aktivitetit të marketingut. Ndërkohë që kompanitë në botë, (të paktën aty ku klima ndaj biznesit nuk është armiqësore), thjesht e diversifikuan reklamën, këtu te ne shumica i pezulluan kontratat e reklamave. Mirdaim Axhami, pedagog në Fakultetin Ekonomik duke analizuar shifrat tha se ato janë një tregues shqetësues për ekoniminë e vendit. "Shifrat janë shumë shqetësuese. Elementi që kishte përkeqësimin më të madh kishte të bënte me situatën politike, paqëndrueshmërinë politike dhe ky ishte treguesi me perceptimin negativ më të thellë, e ndjekur nga korrupsioni që ishte në nivel të përkeqësuar dhe nga ekonomia informale." Axhami, u ndal dhe në një analizë të sektorit të marketingut që gjatë kësaj periudhe ka pësuar të tjera zhvillime, si shkak i situatës së pandemisë që kaloi gjithë globi