Tani është fakt që shumë prej të rinjve që mbarojnë arsimin parauniversitar në Shqipëri por edhe atë të lartë, gjithnjë e më shumë po shohin si mundësi për zgjeruar njohuritë e tyre edhe në institucionet arsimore përtej kufijve. Shpesh është e vështirë të bësh zgjedhjen e duhur, kur tregu që ofrohet është i mbipopulluar me kolegje, universitete, me një larmishmëri programesh studimi dhe kualifikimi. Tandek është një nga këto agjensi që ofron shërbime për të rinjtë shqiptarë të cilët dëshirojnë të përfitojnë sa më shumë përvoja arsimor-kulturore nga institucionet jashtë vendit, kolegje, universitete në Evropë, Britani e Madhe, SHBA, Kanada, Australi, Zelandë e Re e deri në Azi. Po si mund të bëhen pjesë e këtyre programeve? Tandek ka menduar që në datat 10, 11 tetor ( të shtunë, të diel) të organizojë një panair virtual #TiranaStudyFair për t'ju orientuar në zgjedhjen e duhur që të mos keni asnjë dilemë. Studimet dhe sondazhet kanë treguar se dilema e çdo të riu është si të zgjedhë një profil të caktuar i cili do t'i shërbejë më pas për tu përballuar me tregun e punës. Edhe sipas sondazhit më të fundit nga Gallup, 35% e studentëve me një diplomë Bachelor dhe 30% e studentëve në përgjithësi, synojnë të studiojnë jashtë vendit, shifra të konsiderueshme, që janë tregues i sfidave që i kanë vetes të rinjtë shqiptarë për tu përballur ndryshimet globale. E ndërsa duket se gjithçka po fokusohet rreth pandemisë, prespektivat për të ardhmen edhe pse jo në kushte normale, duhet të vazhdojnë. Edhe në këto kohë të vështira për të gjithë botën duhet thënë, se ka institucione të cilat kanë menduar për këshillimin e të rinjve që të bëjnë zgjedhjen e duhur për të çuar më tej kualifikimet e tyre.