Për atë duket se vitet kanë kaluar shumë ngadalë dhe për secilin prej tyre ai ka shumë për të rrëfyer. Bëhet fjalë për Prof. Ismet Elezin, plot 100 vjeҫ, i cili njihet si babai i të drejtës penale dhe kriminologjisë shqiptare. Përtej kësaj ai ka një karrierë të pasur akademike duke shërbyer në detyrat më të larta, nga pedagog tek Fakulteti i Drejtësisë, deri tek prokuror dhe kryetar i byrosë juridike në Këshillin e Ministrave, ndërsa mban gradën doktor shkencash. Profesor Elezi me origjinë nga fshati Fterrë i Sarandës është edhe botues i mbi 36 librave dhe 280 botimeve shkencore. Në vitin 1998, Qëndra Ndërkombëtare e Biografive në Kembrixh (Angli) e ka shpallur "Njeriu Ndërkombëtar" në Shkencë dhe biografia e tij është botuar në Fjalorin Ndërkombëtar të Biografive. Ai ka udhëtuar në shymë shtete në Evropë, Azi e Amerikë. Që në moshë të re ai nuk është ndalur asnjëherë së shkruari, duke lënë si trashëgimi shumë ditare që flasin jo vetëm për punët e shtetit dhe karrierën e tij por edhe për përjetime krejt personale. Edhe sot, teksa ka ka kaluar pragun e 100 viteve, ai vijon të shkruajë rregullisht duke i vendosur vetes edhe objektiva në këtë drejtim. Ne ishim sot me kameran tonë në shtëpinë e profesorit i cili na tregoi dhe sekretin e jetëgjatësisë së tij. Madje edhe në këtë drejtim ka një objektiv: të arrijë 120 vite jetë.