Hetimi për vrasjen e Egli Progës në Pogradec po shndërrohet në një nga çështjet më të errëta të drejtësisë shqiptare. Fiks Fare denoncoi se provat janë manipuluar, kamerat janë fshirë dhe dëshmitë janë ndryshuar disa herë. Pas 14 muajsh zvarritje, autorët Denis Meçe dhe Leonidha Guçe janë liruar nga burgu për shkak të humbjes së fuqisë së paraburgimit. Ndërkohë, Prokuroria e Korçës ende “nuk gjen” pamjet e momentit të krimit, ndërsa në pajisje është zbuluar edhe virus i futur qëllimisht. Ka dyshime për ndërhyrje në servera, manipulime nga persona me pushtet dhe një “dajë” që përmendet në dëshmi. Kush po fsheh të vërtetën dhe pse nuk po hapen kamerat?