Banorët e lagjes "Pavarësia" Vlorë ankohen për kanalin kullues i cili prej 10 vjetësh është kthyer në rrezik për shëndetin e komunitetit, pasi ndotja e tij është shumë e madhe. Mbi të gjitha kanali është kthyer tmerr edhe për prindërit pasi kanë frikë që t'i lënë të luajnë jashtë fëmijët e vegjël, nga frika mos bien brenda. Gropa e kanalit është me një thellësi më shumë se dy metra. Fiksi vë në lëvizje Ujësjellës Kanalizime Vlorë i cili fillon pastrimin periodik, deri në zgjidhjen e plotë të situatës.