Shoferëve të Urgjencës së Shërbimit Paraspitalor në Spitalin Universal Nënë Tereza prej tre muajsh u është ulur paga në 27 mijë lëkë në muaj. Ndërkohë që Ministria e Shëndetësisë sqaron se VKM- ja e re që ka dalë ua ka rritur pagat, jo ulur. 15 shoferë të Urgjencës Paraspitalore në QSUT u ankuan në Fiks Fare se prej muajit korrik të këtij viti paga e tyre është ulur. Nga 30 mijë lekë në muaj ata kanë marrë 27 mijë lekë. Ata kërkojnë të dinë se pse është bërë ky ndryshim i pagës së tyre me ulje dhe nëse ka ardhur si pasojë e VKM-së së re që ka hyrë në fuqi. Fiks Fare iu drejtua drejtorisë së Qendrës Spitalore Universitare Nënë Tereza dhe Ministrisë së Shëndetësisë për problemin e shofereve të ambulancave të urgjencës mjekësore paraspitalore. VKM-ja e 6 qershorit 2024, sipas tyre, nuk parashikon ulje të pages së shofereve, por rritje të pagës nga 10 mijë lekë në 14 mijë lekë në muaj. Drejtuesja e QSUT-së, zonja Alma Cami sqaron për Fiks Fare se nga ana e institucionit që ajo drejton, po ndërmeren të gjithë hapat e nevojshëm për mbështetjen e shoferëve të autoambulancave në Urgjencën Paraspitalore, me qëllim që pagesat e tyre të jenë sipas kodit të punës. Sipas saj, ulja e pagave për këta shoferë për 3 muaj me radhë ka qenë një keqkuptim nga zyra ekonomike gjatë ndryshimit të referencës së pagave.