Çdo familje ka sekretet e saj. Disa janë të vogla, si të tregosh një gënjeshtër të bardhë ose të përgjosh pas një dere. Të tjerat janë më të rënda, si pabesia dhe tradhtia. Kurse disa sekrete janë aq të tmerrshme, sa duhen fshehur në një vend të thellë dhe të errët, sepse, nëse do të dilnin ndonjëherë në dritë, me siguri do ta dërrmonin një familje... Cilat janë ato? -“Motra prej dëbore” është një histori Krishtlindjesh, që në 24 kapituj, libri krijon atmosferën magjike që ju mund ta keni hasur edhe tek “Himni i Krishtlindjeve” i Charles Dickens ose tek përrallat e Andersenit. Autorja e suksesshme norvegjeze Maja Lunde dhe ilustruesja e fotove aq të bukura brenda librit për fëmijë, Lisa Aisato janë krijueset e këtij libri emocionues, i cili vjen si një dashuri më shumë për adhuruesit e Festave të Fundvitit për të gjitha moshat.