Kina ka zgjeruar izolimin në provincën Hubei, e cila tani njihet si qendra ku ka shpërthyer koronavirusi, teksa numri i të vdekurve ka arritur në 26. Të paktën 10 qytete në qendër të kësaj province kineze, me një popullsi prej 60 milionë banorësh, kanë vendosur kufizime në udhëtim. Të enjten, një pacient humbi jetën në provincën e afërt Hebei, duke shënuar vdekjen e parë prej këtij virusi jashtë Hubeit. Një tjetër viktimë më vonë është konfirmuar në Heilongjiang. Në gjithë Kinën aktualisht është konfirmuar për 830 persona të prekur me këtë virus. Masat izoluese vijnë në kohën e përgatitjeve për të shënuar Vitin e Ri Kinez, një prej datave më të rëndësishme në kalendarin e këtij vendi. Miliona persona tradicionalisht udhëtojnë në shtëpi për këtë festë, mirëpo në provincën Hubei nuk do të ketë festime.