Dhjetra artikujt të publikuar në mediat më prestigjoze ndërkombëtare që i bënin jehonë bukurive natyrore, kulinarisë dhe turizmit në Shqipëri tërhoqën vëmendjen e dhjetra blogerëve, influenserve, këngëtareve, aktorëve dhe politikanëvë të huaj që të zbulojnë nga afër Shqipërinë. Top Çhannel, media më e madhe në Shqipëri ka zhvilluar gjjithashtu një fushatë të pandalshme në mbështetje të turizmit që në nisje të këtij sezoni turistik. Duke mbajtur në konsideratë rolin dhe ndikimin e saj publik, Top Channel ka qenë promotori më i rëndësishëm në evidentimin e bukurive natyrore, promovimin e destinacione më interesante të vendit dhe pasqyrimin e plotë të elementeve kulturore dhe artistike ka qenë dhe mbetet. Nga muaji maji i këtij viti dhe deri në fund të muajit gusht, redaksitë e prodhimit dhe informacionit në Top Channel numërojnë mbi 500 kronika në funksion të promovimit të turizmit dhe bukurive natyrore shqiptare, qindra lidhje me korespondentë dhe turistë që kanë vizituar Shqipëri dhe 3 dokumentarë që i bënin jehonë këtij sezoni turistik në vendin tonë.