Fiks Fare transmetoi mbrëmjen e së hënës denoncimin e një qytetari nga fshati Babunjë i Divjakës, i cili është hetuar dhe i është sekuestruar makina për protestën e opozitës në datën 29 tetor 2024. Emirjon Krasniqi, babai i dy fëmijëve të mitur tha për Fiksin se në datën 29 tetor ka qenë duke ikur me familjen, bashkëshorten, dy fëmijët dhe mbesën për në një dasëm në fshatin Ferraj në Fier. Në orën 17.05 ka qenë në rrethrrotullimin e Levanit ditë dhe orë që përkonin me protestën e opozitës për bllokimin e disa akseve kryesore në Shqipëri me moton “mosbindje civile”. Atje është bllokuar, ka qëndruar rreth 15 minuta dhe më pas me ndihmën e një gazetari ka marrë një rrugë dytësore dhe ka shkuar në fshatin Ferraj, ku kishte dasëm te daja i tij. Ai tha se gjatë kësaj kohe, 10-15 minuta mjeti i tij Ëolksvagen Passat, i vitit 2000, ka qëndruar i pa lëvizur. Një ditë pas dasmës,më 30 nëntor e marin në telefon duke i thënë të paraqitet në Policinë e Divjakës. Ka shkuar me gjithë mjetin dhe pas tre orësh qëndrim e kanë shoqëruar me një furgon për në Policinë e Fierit. Aty i është komunikuar se në protestën e 29 nëntorit droni ka kapur mjetin e tij të palëvizur dhe i bllokojnë makinën.