Fertilizimi in vitro ofrohet prej kohësh në Shqipëri, për tiu ardhur në ndihmë çifteve që nuk lindin dot fëmijë në rrugë natyrale. Por nën siglën e këtij shërbimi mjeksor, në dukje fisnik, janë duke ndodhur abuzime dhe shkelje ligjore. Në këtë dokumentar Top Story, ka zbuluar se Shqipëria është kthyer tashmë në një destinacion global për lindjet me nëna surrogato. Një praktikë totalisht e parregulluar me ligj në vendin tonë. Surrogato quhen ato gra që japin mitrën e tyre me qera, që të rrisin fëmijën e dikujt tjetër. Janë me dhjetëra agjenci online që e oforojnë surrogacinë, duke sjellë vajza nga vende si Ukraina dhe Gjeorgjia, për të ofruar këtë shërbim në spitalet private të Tiranës. Top Story ka zbuluar edhe se si çiftet homoseksuale dhe individët beqar, mund të bëhen prindër përmes këtyre praktikave në Shqipëri ku ka një boshllëk ligjor total. Ndërkohë probleme serioze dhe me ndjeshmëri sociale ekzistojnë edhe në fushën e dhurimit të vezëve apo të spermës, gratë që lindin fëmijë në moshë mbi 50 vjeç, apo mënyrës se si përzgjidhet seksi i një fëmije në laborator.