Policia në Maqedoninë e Veriut sekuestroi mbi 40 ton marihuanë. Policia ndërkohë njoftoi se janë kontrolluar disa ndërmarrje bujqësore dhe në njërën prej tyre në Shkup janë sekuestruar nëntë ton drogë si dhe mbi 1.300 shishe me vaj kanabisi. Kontrolle janë kryer njëkohësisht edhe në ndërmarrje të tjera në lindje të vendit, ku u konsifkuan 31 ton marihuanë. Mediat në Shkup përmendin Strumicën, 120 km në juglindje të shkupit, si vendin ku është konfiskuar sasia më e madhe. Ndërmarrjet e kontrolluara ishin të licencuara për podhimin e marihuanës mjekësore, që lejohet për qëllime terapeutike në Maqedoninë e Veriut. Por sasia e gjetur nuk përkon me prodhimin e dokumentuar si të ligjshëm. Kjo sasi mund të ketë qenë e destinuar për trafik droge. Autoritetet në Shkup po hetojnë edhe lidhjet e mundshme në Serbi. Në fqinjin verior prokuroria sekuestroi më 9 janar pesë ton marihuanë, që duket se kishte ardhur nga Maqedonia e Veriut. Vendi i gjetjes ishte një shtëpi në afërsi të qytetit jugor të Serbisë, Krushevo. Autoritetet serbe arrestuan katër persona dhe lëshuan edhe një fletë arresti ndërkombëtare për një person që konsiderohet si koka e bandës. Ai identifikohet vetëm si Aleksandar M dhe raportohet se është anëtar i këshillit komunal të Krushevos dhe i përket partisë në pushtet SNS të presidentit serb Aleksandar Vuçiç. Ministria e Brendshme e Maqeonisë së Veriut në njoftimin e saj përmendi lidhje konkrete me gjetjen e drogës në Serbi. Një nga personat e arrestuar në Serbi është bashkëthemelues i firmës, në të cilën u gjet marihuana dhe vaji i kanabisit në Shkup. Sipas zyrtarëve, sasia e drogës së sekuestruar në maqedoninë e veriut është e jashtëzakonshme për vendin e vogël ballkanik.