Zëvendës Ndihmës Sekretari i Shtetit Alexander Kasanof u takua këtë të enjte me kryeministrin Edi Rama. Në fokus të diskutimit ishte partneriteti i fortë mes SHBA dhe Shqipërisë. Ambasada amerikane në një postim në Facebook, theksoi se po ashtu Kasanof dhe Rama folën dhe për mbështetjen e Shqipërisë për çështje kyçe shumëpalëshe, duke rikonfirmuar angazhimin e tyre për arritjen e qëllimeve të përbashkëta. “Ata shqyrtuan përparimin e Shqipërisë drejt integrimit në BE, rëndësinë e transparencës në reformën në drejtësi dhe forcimin e përpjekjeve kundër korrupsionit.”, shkroi ambasada amerikane në Facebook. Një takim zyrtari i lartë Alexander Kasanof e pati dhe ministrin e Jashtëm, Igli Hasanin. “Ne u zotuam të intensifikojmë dialogun tonë strategjik për të trajtuar dezinformimin, për të forcuar sigurinë kibernetike, për të mbështetur Ukrainën dhe për të rritur sigurinë dhe stabilitetin rajonal në Ballkanin Perëndimor, ku SHBA luan një rol jetik në avancimin e integrimit euro-atlantik.”. shkroi ministri Hasani në X, ndërsa ndau dhe dy foto nga takimi që pati me Kasanof.