Deputetët e Parlamentit të Kosovës, do të mblidhen pasditen e kësaj të hëne, për të vazhduar përpjekjen e katërt për konstituimin e Kuvendit të Kosovës, në mënyrë që t’i hapin rrugë edhe formimit të Qeverisë së re, më shumë se dy muaj pas zgjedhjeve parlamentare të 9 shkurtit. Seanca pritet të nisë në orën 15:00, me zgjedhjen e kryetarit dhe nënkryetarëve në rend dite, në mënyrë që ta konstituojnë Kuvendin e Kosovës përfundimisht. Konstituimi i Kuvendit mbeti në gjysmë ditën e shtunën kur kandidatja e partisë fituese, Lëvizja Vetëvendosje, Albulena Haxhiu, nuk arriti ti marrë votat e nevojshme për t’u zgjedhur kryetare e Kuvendit. Emërimi i Haxhiut si kryeparlamentare dështoi pasi ajo mori vetëm 57 vota nga 61 të nevojshme në dy tentime radhazi të shtunën. Vetëvendosje pritet ta propozojë atë për kryetare të Kuvendit edhe në seancën e kësaj të hëne.