Pritja dhe ankthi i shqiptarëve u shua shpejt në gjysmëfinalen e parë të festivalit evropian të këngës, që nisi mbrëmjen e të martës, pasi kënga me të cilën ne përfaqësohemi në këtë kompeticion, Zjerm dhe Shkodra elektronike, u kualifikua e dyta për të hyrë në finalen e madhe. Kënga e shqipërisë u prit mirë në natën e parë gjysmëfinale ndërkohë që nuk kanë munguar vlerësimet për të edhe në javët e shkuara. Nata e parë e Eurovisionit u karakterizua nga energji dhe emocione, ndërsa “Zjerm” solli një kombinim të simboleve kombëtare dhe konceptit skenik të frymëzuar nga legjenda e Rozafës duke krijuar momente magjike. Gjysmëfinalja e parë, dërgoi në finalen e madhe të së shtunës 10 këngë, përfshirë grupin suedez Kaj, kënga e të cilëve Bara Bada Bastu shihet nga shumëkush si favorite për cmimin e parë. Sipas kompanive të basteve, kënga ka 40 për qind shanse për të fituar. Bashkë me këngën e shqipërisë u kualifikuan edhe këngët e norvegjisë, islandës, holandës, polonisë, san marinos, estonisë, portugalisë dhe ukrainës, duke ndërprerë rrugëtimin e azerbajxhanit, belgjikës, qipros, kroacisë dhe sllovenisë. Edhe 10 këngë të tjera do të kualifikohen në gjysmëfinalen e dytë, të enjten ndërkohë që në natën finale kemi edhe pesë të mëdhenjtë, franca, gjermania, spanja, britania e madhe dhe italia, që kualifikohen aktualisht, bashkë me fituesin e eurovizionit të vitit të shkuar, zvicrën.