Një ngjarje e rëndë është shënuar pasditen e së shtunës në Theth të Malsisë së Madhe për një familje e cila bujtinën kishte si mjet jetese. Një zjarr I rënë në një nga dhomat e një bujtine në Theth ka bërë që flakët të përhapen me shpejtësi ne të gjitha dhomat e saj, duke e shkrumbuar tërësit të gjithë bujtinën. Largësia e Thethit me Shkodrën prej rreth dy orësh ka bërë që edhe forcat zjarrfikëse të arrijnë me vonesë, kur bujtina ishte shkrumbuar, duke shkaktuar një dëm të konsiderueshëm material dhe ekonomik. Mësohet se një nga pproblemet me të cilat përballen këto biznese është mungesa e hipotekës, për shkak se ndërtesat janë të trashëguara brez pas brezi. Nisur nga ky fakt, ndërtesat nuk janë të siguruara, çka ppamundëson mbulimin e demit nga kompanitë e sigurimeve. Ngjarje të tilla ngrenë diskutime mbi pajisjen e bizneseve të tilla me dokumentacionin përkatës, çka do të ndihmonte pronarët që në çdo rast të mund të ishin të mbrojtur e siguruar për përballimin e dëmeve të tilla.