Pacientët në spitalin e Fierit kanë përjetuar momente paniku gjatë kësaj të mërkure. Në orët e paradites një zjarr ka shpërthyer në repartin e imazherisë duke alarmuar pacientët dhe stafin mjekësor. Në katin e parë të godinës janë të vendosura aparaturat e larjes së grafive nga ku dyshohet se ka nisur zjarri. Më pas ai është përhapur me shpejtësi nëë disa ambiente të tjera. Tymi mbuloi godinën, ndërsa u dha alarmi ku të gjithë pacientët brenda rrezes së rrezikut të dilnin jashtë me shpejtësi. Menjëherë u bë evakuimi I stafit mjekësor dhe personave të tjera, ndërsa pas disa minutash duke luftuar flakët, efektivët e zjarrfikëses bënë të mundur shuarjen e tyre. Një pjesë e pacientëve u vendosënnë spitalin Memorial të Fierit, ku vijojnë trajtimin mjekësor. Më tej dhe policia në njoftimin zyrtar të bërë konfirmoi se nuk ka person të lënduar si pasojë e flakëve.