Komanda qendrore e forcave ajrore amerikane konfirmoi të dielën se dy avionë të saj janë rrëzuar në Detin e Kuq, pasi u qëlluan nga një luftëanije amerikane. Sipas njoftimit, avionët ishin pjesë e një misioni bombardues kundër rebelëve Huthi në Jemen. Në momentin që u qëlluan nga zjarri miqësor, thuhet në deklaratë dy pilotët u hodhën me parashutë. Komanda qendrore e forcave ajrore amerikane shton se që të dy pilotët u shpëtuan dhe janë shëndoshë e mirë, me përjashtim të njërit që ka marrë lëndime të lehta, por jo kërcënuese për jetën. Incidenti po hetohet. Kjo është hera e parë që një luftanije amerikane rrëzon në tokë avionët amerikanë që patrullojnë në Detin e Kuq. SHBA ka rritur praninë e trupave në rajon nisur nga konflikti në Izrael, Liban dhe Siri, si dhe për të goditur rebelët huthi në Jemen që me mbështetjen e Iranit kanë kërcënuar edhe anijet tregtare.