Vatra të mëdha zjarri janë shkaktuar këtë të hënë në Llogara dhe pranë Dhërmiut. Aktualisht raportohet për kullota të djegura, bimësi dhe pemë druri të ndryshme. Paraprakisht bëhet me dije se është zjarrvënie e qëllimshme. Zjarri vijon të djegë faqen e malit prej orësh. Fillimisht reparti i zjarrfikëses nuk ka pasur asnjë informacion, por më pas është bërë ndërhyrja, në kohë vonesë. Fillimisht ata të Himarës, teksa më pas është vendosur në dispozicion dhe zjarrfikësja e Vlorës. Terreni është I thyer, gjë që vështirëson edhe punën e tyre për të bërë të mundur shuarjen e flakëve. Për shkak të lartësisë e vetja mënyrë për të shkuar është në këmbë. Kjo zonë ka pasur të tilla probleme për sa I përket zjarrvënies dhe verën e 2021. I gjithë qarku i Vlorës u përball me këtë fenomen, i cili madje shkrumboi edhe banesa, konkretisht në fshatin Gjorm. Tashmë, pavarësisht temperaturave të ulëta, vatrat e zjarrit janë shkaktuar e vijojnë të jenë aktive.