Ish-zv.drejtori i Agjencisë Kombëtare të Shoqërisë së Informacionit, Daniel Shima u kthye në banesë pak pas mesnate pas denoncimit të bërë nga familjaret e tij në komisariatin numër 1 se kishin humbur kontaktet me të. Ai u paraqit në komisariat rreth orës 20 dhe deklaroi se ishte larguar me dëshirën e tij. “Nuk kam asnjë pretendim”, mësohet se tha ai para hetuesve. kallëzimi për zhdukjen e Shimës u bë rreth orës 17:00 të ditës së mërkurë. Shima ka qenë zv.drejtor për katër vite, në Agjencinë kombëtare të Shoqërisë së Informacionit. Ai ka marrë pjesë dhe në prokurimet publike që ky institucion ka bërë. Pasi është larguar nga kjo detyrë një vit më parë, Shima është marrë me biznes privat. 34-vjeçari madje gjatë kësaj kohe është pyetur edhe në SPAK për tenderët e AKSHI. Agjencia Kombëtare e Shoqërisë së Informacionit, është një institucion publik, që merret me zhvillimin dhe menaxhimin e sistemeve dixhitale shtetërore; shërbimet online për qytetarët dhe bizneset; sigurinë dhe integrimin e sistemeve të informacionit të administratës publike.