Bashkimi Europian pret nga Shqipëria kthimin e 33 milionë eurove të akorduara përmes programit IPARD, për shkak të abuzimeve të konstatuara nga zyra kundër mashtrimit, OLAF. Pas kthimit të tij nga Brukseli, ministri i bujqësisë, Andis Salla u shpreh se brenda datës 9 prill do të duhet të përmbushen kërkesat, për të mundësuar zhbllokimin e asistencës financiare përmes IPARD. Salla: “Kemi pasur një takim, ishim në Bruksel bashkë me ekipin, për të diskutuar për gjithë detyrat që ne kemi, kemi qënë në 9 mars dhe brenda datës 9 prill do depozitojmë masën e fundit, kërkesat që na janë kërkuar, përfundimisht për atë që ne presim më pas akreditimin e paketës së IPARD.”