Ndryshimet e kodit zgjedhore, duket se do të futen në momentin e fundit në rendin e ditës në seancën e fundit të këtij sesioni parlamentar. Shkak për këtë është mungesa e një konsensusi, teksa maxhoranca e opozita vijojnë bisedimet. Ky lajm është konfirmuar edhe nga kreu I grupit të PS, Bledi Çuçi, në mbledhjen e grupit, mbledhje kjo e javës së fundit të këtij sesioni. Ndërkohë edhe burime nga opozita thanë se synohet futja e ndryshimeve në rend të ditës, por ende nuk është gjetur konsensusi për ndryshimet. Sipas Çuçit, se propozimet e Grupit të Dialogut për Reformën Zgjedhore janë ende në fazë diskutimi në nivel politik dhe nëse do të ketë dakordësi atëhere këto propozime do t'i paraqiten seancës ditën e premte. Po ashtu mësohet se kreu I grupit informoi deputetët për çështjet dhe projektligjet që do të diskutohen në seancën parlamentare, e cila do të shtrihet në dy ditë, të enjten e të premten për shkak të numrit të lartë të akteve. Në rendin e ditës janë parashikuar gjithashtu dy interpelanca me ministrat Gonxhaj e Mete, raportet vjetore të disa institucioneve të pavarura, projektligjet "Për Policinë e Shtetit"; “Për rregullimin e prodhimit, tregtimit, kërkimit dhe zhvillimit të armëve, municioneve, pajisjeve dhe teknologjive ushtarake”, si dhe disa akte të tjera. Nëmbledhje nuk ka munguar as diskutimi për zonat elektorale, në varësi të problematikave të hasura nga deputetë