Komisioni Qendror i Zgjedhjeve ka njoftuar se ka nisur procesi i regjistrimit për votimin e personave me nevoja të veçanta për zgjedhjet që do të mbahen më 28 dhjetor 2025 në Kosovë. Ky proces do t’u mundësojë atyre që nuk mund të dalin nga shtëpia për shkak të aftësisë së kufizuar ose nevojave të tjera të veçanta, të votojnë nga shtëpia përmes ekipeve të posaçme. Afati për regjistrimin e këtyre votuesve nis këtë të enjte dhe zgjat deri më 21 dhjetor. Regjistrimi mund të bëhet si në mënyrë elektronike, ashtu edhe në mënyrë fizike, për ata që nuk kanë mundësi të përdorin platformën online.