Qyetatrët e Kosovës prej orës 07.00 këtë të dielë i janë drejtuar kutive të votimit, për të marrë pjesë në balotazhin e zgjedhjeve lokale, ku do të vendosin për kryetarët e rinj të komunave. Të gjitha pikat e votimit janë hapur në orën 07.0 të mëngjesit dhe do të qëndrojën të hapura deri në orën 19.00, teksa sipas Komisionit Qendror të Zgjedhjeve procesi po zhvillohet në 525 qendra votimi me gjithsej 1,648 vendvotime, prej të cilave 507 qendra me 1,628 vendvotime janë për votimin e rregullt.