Cdo alternativë ndaj anëtarësimit në Bashkimin Evropian do të ishte një "kompromis" me Rusinë për të shtyrë pafund integrimin e vendit tonë! Ishte kjo deklarata e presidentit ukrainas Volodymyr Zelensky në përgjigje të planit propozuar nga presidenti francez Emanuel Macron për krijimin e një komuniteti politik europian. Sipas planit të Macron, Ukraina, Shqipëria dhe vendet e tjera që duan t’i bashkohen BE mund të bëhen fillimisht pjesë e këtij komuniteti. Shqipëria e ka mirëpritur tashmë këtë propozim me kryeministrin Edi Rama që deklaroi gjatë vizitës së Charles Michel në Tiranë se kjo ide do të afronte BE me Ballkanin. Por Zelensky thotë se vendet që duan ti bashkohen BE nuk kane nevojë për alternativa ndaj anëtarësimit apo për kompromise të tilla. Duke folur në një konferencë shtypi në Kiev me kryeministrin portugez Antonio Costa, Zelensky tha se ky propozim do të jetë një tjetër kompromis mes Evropës dhe Rusisë. ‘Unë jam absolutisht i sigurt për këtë. “Është ndikimi dhe presioni politik dhe diplomatik i ushtruar nga zyrtarët dhe lobistët rusë mbi vendimin e një vendi evropian për të mbështetur ose jo Ukrainën”,tha Zelenky Macron e prezantoi planin e tij më 9 maj në Parlamentin Evropian në Strasburg, ndërkohë që po zhvillohen diskutime për fillimin e procesit të anëtarësimit me Ukrainën por edhe hapjen e negociatave Shqipërinë dhe Maqedoninë e Veriut. Presidenti francez shpjegoi se do të duheshin "dekada" që Ukraina të bashkohej dhe sugjeroi që ndërkohë ajo t'i bashkohej një "komuniteti politik evropian" që mund të përfshijë gjithashtu Britaninë dhe Moldavinë. Plani, që do të diskutohet në një samit të BE-së në fund të qershorit, është kritikuar nga disa liderë, duke përfshirë presidenten lituaneze, e cila thotë se kjo është një manovër për të lejuar Ukrainën të bashkohet shpejt me bllokun.