Presidenti Volodymyr Zelensky është rikthyer sërish te kërkesa e tij e kahershme për një takim kokë më kokë me presidentin e Rusisë Vladimir Putin, në përpjekje t’i dhënë fund luftës e cila tashmë ka shkatërruar mijëra viktima dhe dëme të pallogarishtme. Duke folur në një konferencë të organizuar në kushte emegjentë në një stacion metroje në Kiev, lideri ukrainas u shpreh se do të kërkonte prej Putin që t'i jap fund luftës, megjithëse është mosbesues për gatishmërinë e kreut të Kremlinit. Sipas Zelenskyt vetëm personi që e filloi këtë luftë do të jetë në gjendje t’i japë fund asaj. Ai shton se “nuk ka frikë të takojë” Putinin nëse përfundimi do të jetë zgjidhja e konfliktit dhe arritjen e paqes midis dy kombeve. Deklarata e liderit ukrainas erdhi në një kohë kur forcat ruse bombarduan me raketa qytetin e Odesas, ku dy raketa goditën një ndërtesë ushtarake në qytet si dhe dy pallate banimi. Qëndrimi i Zelensky për një takim me Putin ka ndryshuar disa herë gjatë këtyre ditëve të luftës, ku pas masakrës në Bucha, ai tha se është e pamundur të negociosh me një njeri që kryen krime të tilla. Pamjet: AFP