Presidenti ukrainas Volodymyr Zelensky u largua nga Berlini me një paketë të re armësh prej 5 miliardë eurosh, ndërsa kërkon të ndërtojë arsenalin e vendit të tij dhe të rrisë aftësinë e tij për të prodhuar armë në vend. Marrëveshja e njoftuar në kryeqytetin gjerman të mërkurën përqendrohet rreth financimit të Gjermanisë për prodhimin e përbashkët të raketave me rreze të gjatë veprimi brenda Ukrainës që do t'i mundësonte Kievit të godiste objektiva thellë në Rusi. Gjithashtu, në njoftim u përfshinë më shumë sisteme mbrojtëse ajrore, armë, municione, aftësi "komanduese dhe operacionale" si edhe ndihmë mjekësore. Por një aspekt i rëndësishëm mungonte. Kishte pritshmëri të mëdha para konferencës për shtyp se Merz do të njoftonte transferimin ose miratimin e përdorimit nga Ukraina të raketave Taurus me rreze të gjatë veprimi shumë të sofistikuara të Gjermanisë.