Kryeministri Edi Rama pritet që të enjten të prezantojë programin qeverisës të mandatit të tij të tretë qeverisës. Ky program do të ketë 5 shtylla kryesore, në të cilën do të fokusohen investimet që do të kryehen në këtë mandat qeverisës si dhe ku do të jetë fokusi kryesore I qeverisë në 4 vitet e ardhshme. Mandati i tretë do të nisë me objektiva të qarta, kun ë fokus do të jenë, rimëkëmbja e e ekonomisë nga tërmeti I 26 nëntorit të vitit 2019 si dhe pandemia. Socialistët zotohen se të gjithë qytetarët që humbën banesat nga tërmeti do të bëhet me shtëpi të re, më të bukur dhe më të fortë se ajo që kishin përpara tërmetit, brenda vitit 2022. Ekonomia e vendit do të jetë në fokusin kryesorë të këtij mandati të tretë. Po ashtu turizmi, energjia, bujqëisia, ekonomia dixhitale, transporti, shërbimi etj do të jenë në optikën e mandatit të tretë qeverisës. Sipas programit të Partisë Socialiste, administrata do të ketë një rritje rroge me 30% ose e thënë ndryshe, rroga mesatare në administratë do të jetë 850,000 lekë (të vjetra) në muaj. Rritje page do të ketë mësuesit dhe mjekët, pagat e të cilëve do rriten me 40%.