Detaje të reja mësohen nga ngjarja tronditëse në Shkodër, ku dy persona mbetën të vrarë dhe dy te tjerë te plagosur. Autori Ragip Gila ka qenë i armatosur me dy armë zjarri si dhe ka patur te veshur antiplumb. Mëngjesin e kësaj të hëne ai ka hyrë brenda lokalit ku ndodhi ngjarja, pranë bashkisë Shkodër dhe ka qëlluar në drejtim të Erogen Vasos alias Brajvoiq, ku si pasojë mbeti viktimë Armando Pali dhe Liridon Kraja. Sipas informcioneve, autori ka dalë nga dera e dytë e lokalit dhe ka ecur në drejtim të një rrugice pas bashkisë, ku me armë në duar ka ecur për disa metra dhe nën kërcënimin e armës ka grabitur automjetin me të cilën u largua. Gjatë kohës kur është larguar, autori është përplasur me dy automjete dhe pasi ka mbërritur në lagjen Skënderbeg, ka braktisur mjetin dhe ka tentuar të largohet në kembë nga lumi Kir. Por, policia ka arritur të ndalojë dhe të rrethojë autorin Ragip Gila duke e vënë në pranga. Ragip Gila rezulton me precedent të theksuar kriminal. Në vitin 2023 ai u arrestua me nje arsenal armesh, por që ishte liruar pesë muaj më parë.