Kryeministri i Kosovës, Albin Kurti, nuk u paraqit në prokurorinë Speciale këtë të hënë, ku ishte thirrur për të dëshmuar lidhur me çështjen e rezervave shtetërore. Kreu I qeverisë do të paraqitej në orën 9:30, por ai nuk shkoi. Sipas zëdhënëses së Prokurorisë Speciale, Liridona Kozmaqi, Kryeministria e njoftoi organin e akuzës se Kurti ndodhet në një vizitë jashtë vendit dhe e ka pasur të pamundur që të paraqitej. Kryeministri Kurti ndodhet në Slloveni, ndërsa sipas mediave të Kosovës, ai ishte rhirrur për të dëshmuar për çështjen ku është është e implikuar edhe ministrja e Industrisë, Ndërmarrësisë dhe Tregtisë (MINT), Rozeta Hajdari. Disa persona janë arrestuar pasi dyshohet se kanë keqpërdorur rezervat shtetërore. Ata u vendosën nën akuzë pas disa audio regjistrimeve të nxjerra nga gazeta Nacionale, në të cilat pretendohej se vaji i porositur dhe i paguar në Poloni për rezervat shtetërore të Kosovës, si dhe rezervat e grurit, nuk kishin mbërritur kurrë. Lidhur me rastin, kryeministri Kurti mohoi që të ketë pasur rast korrupsioni. Ndërkohë Hajdari nga ana tjetër, tha se çdo kontratë ishte bërë në përputhje me ligjin.