Prokuroria e Rrethit Gjyqësor Tiranë në bashkëpunim me drejtorinë e policisë së Tiranës, kanë vënë në pranga 7 persona dhe kanë shpallur në kërkim një tjetër. Arrestimi i 7 personave erdhi në kuadër të operacionit policor të koduar “Xhamat e errësuar”. Si pasojë e ketij operacioni në pranga janë vënë Qamil Domi, Erjon Rakipllari, Erges Zaka, Yllka Graceni, Artan Frroku, Artan Murati dhe Zef Ndoca. Ata akuzohen se në bashkëpunim me njëri-tjetrin merrnin nga 100 deri në 300 mijë lekë të vjetra, duke u siguruar disa personave nga Tirana e Durrësi certifikata për xhamat e errëta të makinave, si dhe kalimin e kontrollit teknik të mjeteve, apo edhe pajisjen me dokumente mjekësore për mospërdorimin e rripit të sigurimit. Mësohet se hetimet ndaj tyre janë kryer nga prokurori Bledar Valikaj. Qamil Domi, Yllka Graceni, Artan Frroku akuzohen për veprën penale “Ushtrim i ndikimit te paligjshem ndaj personave qe ushtrojne funksione publike”. Erges Zaka dhe Artan Murati me profesion mjek familje në qendrën shëndetësore Kamëz, akuzohen për veprën panale falsifikimi idokumentave. Ndërsa Zef Ndoca me detyre specialist Drejtorise Rajonale te Sherbimit te Transportit Rrugor akuzohet për veprën panele “Shperdorim i detyres”. Materlaiet kanë kaluar në gjykatë për të kryer hetimet në lidhje me këtë cështje.