Një vullkan shpërtheu gjatë natës në një ishull indonezian, thanë autoritetet të mërkurën, duke lëshuar një kolonë masive hiri në qiell ndërsa u shpall edhe niveli më i lartë i alarmit. Mali Levotobi Laki-Laki në ishullin Flores shpërtheu të martën vonë dhe përsëri në orën 01:35 minuta të mëngjesit të së mërkurës, duke lëshuar materiale vullkanike 10 kilometra mbi majën e tij, tha agjencia kombëtare e vullkanologjisë në një deklaratë. Nuk kishte asnjë informacion të menjëhershëm për viktima ose dëme, por autoritetet paralajmëruan banorët dhe turistët në ishullin lindor indonezian të qëndronin larg zonës, duke u përgatitur për evakuime të mundshme. Agjencia e gjeologjisë tha se kishte ngritur nivelin e alarmit të vullkanit në nivelin më të lartë të martën vonë, pasi kishte zbuluar një shtim të tërmeteve të thella që shpesh i paraprijnë një shpërthimi të madh.