‘Ata vijnë te paftuar në Beograd’, kështu është shprehur presidenti serb Aleksander Vuçiç për mbërritjen e përfaqsuesve të delegacionit Evropian në Serbi, për të cilët është shprehur se nuk dëshiron t’i takojë. Sipas mediave serbe, Vuçiç ka thënë për gazetarët gjatë vizitës së tij në Abu Dhabi se nuk do të jetë në Serbi kur të arrijnë parlamentarët evropianë. "Urrejtësit e Serbisë u ulën dhe ranë dakord që do të vinin në Beograd dhe nuk na pyetën dhe as nuk na informuan. Ne nuk i thirrëm. Ata erdhën të paftuar. Kam edhe angazhime të tjera të planifikuara në Davos. Nuk po i shmang, por edhe nëse do të isha në Beograd, nuk do të takohesha me ta", citohet të ketë thënë Vuçiç.