Presidenti i Serbisë Aleksandër Vuçiç zgjodhi Kinën dhe jo Procesin e Berlinit ku u mblodhën liderët evropianë dhe ata të vendeve të Ballkanit Perëndimor. Madje ai dha edhe një mesazh nga Kina duke takuar presidentin Xi Jiping dhe duke thënë se lidhja me Kinën është e hekurt. Ai tha se lidhjet dypalëshe i kishin rezistuar provave të ndryshme dhe falenderoi për mbështetjen e Kinës ndaj Serbisë kur vendi përballej me vështirësi. Përveç Presidentit kinez, mediat serbe raportojnë se Vuçiç është takuar edhe me Presidentin e Rusisë Vladimir Putin. “E pashë presidentin Putin, nuk patëm një takim dypalësh, folëm shkurt, ai pati një takim të rëndësishëm dhe të gjatë me presidentin kinez”, tha vucic para gazetarëve serbë në pekin, ku po vazhdon të merr pjesë në forumi ndërkombëtar ekonomik dhe politik. “Pashë se Putin po shpërthen nga vetëbesimi”, tha Vuçiç.