Teksa pritet që të përballet me padi ligjore si I përfshirë në aferën ‘Sarajevo Safari’, Presidenti serb Aleksander Vuçiç, sipas mediave në Kosovë po forcon pozitat e tij brenda kufijëve të Serbisë. Në seancën e së enjtes, më 20 nëntor, Qeveria e Serbisë ka miratuar Projektligjin për Ndryshimet në Ligjin për Ushtrinë Serbe, i cili e bën Presidentin e Republikës, Aleksandar Vuçiç, Komandant Suprem të Forcave të Armatosura, duke kaluar nga retorika politike në fuqi të mirëfilltë ligjore. Sipas mediave në Kosovë, në ligjit aktual, Ushtria e Serbisë komandohet nga Shefi i Shtabit të Përgjithshëm dhe oficerët, në bazë të ligjeve dhe akteve të komandës. Por me ndryshimet e reja, Presidenti do të ketë kompetencë direkte për t’i dhënë urdhra Shefit të Shtabit dhe oficerëve. Sipas analistit ushtarak nga Beogradi, Aleksandar Radiç, ndryshimi i ligjit praktikisht rikthen modelin e viteve 90`, kur Shtabi i Përgjithshëm ishte në varësi të kreut të atëhershëm të shtetit, Slobodan Milloseviç.