Në komunat në veri të Kosovës mëngjesin e kësaj të diele janë vendosur postera me imazhin e presidentit të Serbisë, Aleksandër Vuçiç, me mbishkrimin “Komandant Suprem, ju presim”. Zëvendësdrejtori për komunat në veri, Veton Elshani, është shprehur për mediat se rasti po hetohet. “Në disa lokacione të 4 komunave të veriut të vendit janë shpërndarë pamflete me foton e kryetarit të Serbisë. Pas konsultimit me prokurorin e shtetit është hapur rasti “Nxitje e Urrejtjes”. Nuk kemi të dyshuar, ndersa policia po punon në drejtim të ndriçimit të rastit”- është shprehur Elshani. Ministri i Punëve të Brendshme Xhelal Sveçla ka reaguar pas vendosjes së posterave provokues në veri të Kosovës, ku thuhet se “po presin presidentin e Serbisë të vijë” duke e quajtur atë ‘komandant’”. Sveçla ka paralajmëruar se nëse Vuçiç vjen në Kosovë pa lejen e Prishtinës zyrtare, ai do të vihet prapa hekurave.