Hungaria do të forcojë bashkëpunimin ushtarak me vendin fqinj, Serbinë. Për këtë qëllim, ministrat e mbrojtjes të të dyja vendeve nënshkruan në Beograd në prani të presidentit serb Aleksandar Vuçiç një marrëveshje, e cila ndër të tjera parashikon më shumë stërvitje të përbashkëta ushtarake. Përmes një postimi në Instagram, presidenti serb, shkruan ‘se të dy vendet duan të përshpejtojnë dhe të avancojnë më tej afrimin e të gjitha pozicioneve tona në fushën e mbrojtjes’. Sipas Vuçiç, vendet po shkojnë drejt një aleance ushtarake ose një unioni ushtarak.