Vendet anëtare të Kombeve të Bashkuara votuan për të shpallur 11 korrikun një ditë përkujtimore të përvitshme, për viktimat e masakrës së Srebrenicës në vitin 1995. Propozimi i Gjermanisë dhe Ruandës u miratua pavarësisht lobimit të furishëm nga Serbia kundër rezolutës. Presidenti Aleksandar Vuçiç tha se votimi ishte i politizuar dhe se rrezikonte ta vendoste serbinë dhe popullin serb para përgjegjësisë kolektive për Gjenocidin. Ai paralajmëroi se votimi i rezolutës do të "hapte Kutinë e Pandorës". Vuçiç këmbënguli se rezoluta e Srebrenicës “nuk ka të bëjë me pajtimin, nuk ka të bëjë me kujtimet, por ajo do të hapë plagë të reja, jo vetëm në rajonin e ballkanit”. Por, edhe në Serbi, shumëkush po pyet pse qeveria e tyre e kundërshtoi kaq fort rezolutën. Në fund të fundit, ajo thotë shprehimisht se vetëm individë janë dënuar për gjenocid dhe se faji "nuk mund t'i atribuohet asnjë grupi apo komuniteti etnik, fetar apo tjetër në tërësi".