Presidenti serb, Aleksandër Vuçiç vazhdon të promovojë vizitën e Emanuel Makron në Serbi. Ai e konsideron atë mjaft të rëndësishme dhe zbuloi edhe detaje. “Pas Xi Jinping, edhe presidenti francez po vjen në Serbi. Është një vizitë mjaft e rëndësishme dhe ne do ta presim në dyq qytete, Beograd dhe Novi Sad”, tha Vuçic. Presidenti serb tha se do të nënshkruhen shumë marrëveshje, përfshirë këtu edhe me kompaninë franceze të prodhimit të energjisë elektrike, që brenda pak vitesh, sipas Vuçiç, do të shndërrojë Serbinë në superfuqi energjitike në rajon dhe më gjerë. Por, Vuçiç tha se do të ketë diskutime edhe në fushën e bashkëpunimit ushtarak, forcimit të ushtrisë serbe dhe të marrëdhënieve dypalëshe në fushën ekonomike. Presidenti francez, Emanuel Macron do të vizitojë Serbinë për dy ditë, në datat 29 dhe 30 gusht.