Presidenti i Serbisë, Aleksandar Vuçiç dhe presidenti prorus i Republikës Srpska në Bosnje e Hercegovinë, Millorad Dodik, i cili është në listën e zezë të SHBA-së, ka uruar republikanin Donald Trump për fitoren në garën presidenciale. "Urime Donald Trump për fitoren tuaj. Së bashku, përballemi me sfidat serioze që kemi përpara. Serbia është e angazhuar të punojë me SHBA-në për stabilitet, rritje dhe paqe", shkroi Vuçiç në X. Trump ka siguruar shtetet kyçe si Pensilvania dhe Karolina e Veriut. Vetë Donald Trump e shpalli fitoren në një fjalim të mbajtur përpara mbështetësve të tij në Florida. Sakaq, presidenti prorus i Republikës Srpska në Bosnje e Hercegovinë, Millorad Dodik shkroi në platformën X, ‘Një nga fitoret më të rëndësishme elektorale në historinë e fundit të SHBA-së, por edhe të botës’. Gjatë viteve që administrata amerikane është udhëhequr nga presidenti demokrat Joe Biden, Serbia dhe liderët e saj politikë kanë vijuar marrëdhëniet e me ish të dërguarin amerikan për dialogun mes Beogradit dhe Prishtinës gjatë administratës së ish-presidentit Donald Trump, Richard Grenell.