Bashkimi Europian mund të pezullojë një pjesë të fondeve, rreth prej 1.6 miliardë eurosh të akorduara për Serbinë, pas miratimit të ligjeve të reja që, sipas Brukselit, po minojnë besimin ndaj angazhimit të Beogradit për sundimin e ligjit. Paralajmërimi u bë nga komisionerja për Zgjerimin, Marta Kos, e cila theksoi se ndryshimet e fundit në sistemin e drejtësisë po e bëjnë më të vështirë për mbështetësit e Serbisë në Bruksel të justifikojnë përparimin e saj drejt anëtarësimit në BE.