Gjykata e Lartë ka hedhur poshtë apelin e autorit të dyshuar, Mario Perlleshaj, për ndryshimin e masës së sigurisë nga arrest në burg. Perlleshaj, 15 vjeç, i cili ndodhet në Institutin e të Miturve në Kavajë, ka kërkuar një masë më të butë sigurie. Pak ditë më parë, Gjykata e Tiranës e kaloi dosjen në shqyrtim për gjykim, duke refuzuar kërkesën e tij për gjykim të shkurtuar, që do t’i mundësonte uljen e dënimit me një të tretën nëse shpallej fajtor. Prindërit e Martin Canit, Ëngjell dhe Florina Cani, kërkojnë jo vetëm drejtësi për djalin e tyre, por edhe transparencë nga ana e gjykatës. Martin Cani u vra gjatë një përleshjeje me shokun e tij të shkollës, pas disa konflikteve të nxitura në rrjetet sociale, që ndikuan edhe në vendimin e qeverisë për të mbyllur TikTok.