Vëllai i të ndjerës Liridona Ademaj, ka dëshmuar këtë të hënë në gjykatën Themelore në Prishtinë, gjatë gjykimit ndaj Naim Murselit, i akuzuar për vrasjen e bashkëshortes së tij. Duke folur para trupit gjykues, Ademaj përshkroi momentin kur kuptoi vrasjen e motrës. Ai tha se ishte në punë kur u njoftuar se Liridona ishte vrarë. “Për ne, ajo natë nuk ishte e lehtë se i kishim edhe fëmijët. Kemi qëndruar zgjuar deri në mëngjes”, tha Ademaj. Gjatë seancës, Ademaj u është përgjigjur edhe disa prej pyetjeve të të dyshuarit kryesor për vrasjen, bashkëshortit të të ndjerës Adem Murseli. Ademaj ka përmendur edhe një aferë tradhtie nga ana e të akuzuarit pak muaj para vrasjes. Seanca e radhës gjyqësore do të vazhdojë më 22 shtator, 6 dhe 10 tetor me dëgjimin e dëshmitarëve të tjerë për këtë rast.