Gjykata e Apelit ka vendosur të shpëtojë Sofokli Shanin nga burgimi I përjetshëm dhe ta dënojë me 33 vite heqje lirie. Shani vrau në vitin 2021 me kallashnikov pronarin e një lokali në fshatin Fier i Ri në Lushnjë, 62-vjeçarin, Rako Qorri, si dhe la të plagosur djalin e tij, Kejdi Qorri 31 vjeç. Në fakt, Gjykata e Lushnjes e kishte dënuar me burgim të përjetshëm Shanin, por pas ankimimit të vendimit nga autori, Apeli I Përgjithshëm vendosi që të zhbëjë pjesërisht vendimin e shkallës së parë, e në këtë mënyrë I hoqi dënimin e përjetshëm. Zënka mes palëve nisi për një birrë që porositi viktima dhe diskutime partie, teksa fillimisht autori ka goditur me karrige viktimën dhe është larguar për në shtëpi. Pak minuta më vonë, ai është rikthyer me kallashnikov, ka hyrë ngas pas lokalit dhe ka qëlluar me breshëri automatiku, duke vrarë pronarin e lokalit dhe duke plagosur në këmbë djalin. 57-vjeçari më pas ka marrë motorrin dhe është larguar për në banesë. Pas njoftimit për ngjarjen, policia ka shkuar në shtëpinë e autorit dhe e ka arrestuar.