Ka marrë fund ankthi për për aktorin Alec Baldwn, I cili akuzohej për vrasje nga pakujdesia të producentes Halyna Hutchins gjatë xhirimeve të filmit ‘Rust’. Një gjykatëse në Nju Meksiko pushoi të premten çështjen ndaj aktorit teksa vendosi gjithashtu se kjo lloj padie nuk mund të ngrihet sërish ndaj zotit Baldwin. Gjykatësja Mary Marlowe Sommer e pushoi çështjen gjyqësore bazuar tek shkeljet e policisë dhe prokurorisë, të cilat i fshehën provat nga pala mbrojtëse për çështjen e vrasjes me armë të producentes. Pas vendimit të marrë nga gjyqtarja, Baldwin shpërtheu në lot. Me kërkesë të prokurorëve, një juri e madhe pati ringritur akuzat në janar ndaj aktorit Alec Baldwin për vrasje nga pakujdesia gjatë incidentit fatal të vitit 2021, duke e rikthyer kështu çështjen ndaj aktorit të njohur. Baldwin, aktori kryesor dhe bashkë-producent i filmit Western “Rust”, po i drejtonte armën kineastes Halyna Hutchins, gjatë provave për një filmim në të dalë të qytetit Santa Fe, në tetor 2021, kur arma u shkrep, duke vrarë kineasten dhe duke plagosur regjizorin Joel Souza. Zoti Baldwin ka thënë se nuk e ka tërhequr këmbëzën e armës.