Një ngjarje e rëndë ka ndodhur në Itali ku një 58-vjeçar është vënë në pranga pasi dyshohet se ka vrarë nënën e tij 86-vjeçare. Sipas TGCOM ai e kishte varrosur trupin e nënës pranë një pylli pranë Palazzina di Caccia në Torino. "E varrosa trupin e nënës sime, ju e gjetët pranë kasolles së gjuetisë Stupinigi.", ishin fjalët e autorit gjatë një telefonate në numrin 112 kur orientoi oficerët që të shkonin drejt zonës dhe të bënin të mundur gjetjen e 86-vjeçares që ishte shpallur e zhdukur prej një muaji pas një denoncimi të bërë nga një e njohura e saj që kishte humbur kontaktet. Karabinierët e arrestuan burrin 58-vjeçar me akuzën e vrasjes dhe fshehjes së një kufome. Në fillim, 58-vjeçari dyshohet se i rezistoi policisë, por më vonë pranoi se e kishte fshehur trupin e nënës së tij të moshuar , duke e minimizuar ngjarjen para hetuesve sikur të ishte një vdekje natyrale. Por më vonë e ndryshoi rrëfimin e tij, duke pranuar se e kishte vrarë dhe varrosur nënën e tij. Ai tha se u përpoq ta fshihte ngjarjen pasi nuk donte që ta humbiste pensionin e saj.