Policia ka vënë në pranga 26 vjecarin Florjan Tonuzi, i cili akuzohet se vrau vëllanë e tij, Benard Tonuzin. Ky i fundit u dërgua menjëherë në spital, por nuk mundi t'i mbijetonte plagëve të marra. Ngjarja e rëndë ndodhi në fshatin Allabegi, në dibër. Ai është parë nga djemtë e lagjes, të cilët e kanë thirrur, por 26 vjecari është larguar menjëherë, duke u fshehur brenda një banese të braktisur. Ndërkohë uniformat blu të cilët ishin vënë në kërkim të autorit që nga dita e enjtë, i’u afruan banesës së braktisur për ta arrestuar. Shkak i ngjarjes mësohet se ka qënë një konflikt në familje, por situata ka agravuar deri në dhunë fizike. Florian Tonuzi përpara se të vriste vëllanë e tij, ka dhunuar dhe të atin. 26-vjeçari ka qenë përdorues i lëndëve narkotike, dhe pak kohë më patë kishte dalë nga burgu, ndërkohë që njihej nga banorët e zonës si një person agresiv.