Gjykata e Tiranës ka dënuar me 16 vite burg Marjo Përlleshajn, autorin e vrasjes së 14 vjeçarit Martin Canit, ngjarje e ndodhur një vit më parë në afërsi të gjimnazit Fan Noli. Ai u shpall fajtor për dy akuza. Atë të vrasjes në rrethana të tjera cilësuese ndaj Martinit dhe atë të vrasjes së mbetur në tentativë ndaj Lusi Meçes. Për të dyja këto vepra penale, trupi gjykues vendosi të dënojë me 22 vite, 12 për akuzën e parë dhe 10 për të dytën. Por për shkak të moshës, dënimi iu reduktua në 16 vite heqje lirie. Dënimi u mirëprit dhe nga familja e viktimës. Ndërkohë I ati I Martin Canit tha se dhimbja vijon të jetë e madhe.