Drejtori i përgjithshëm i policisë së shtetit Gledis Nano ka marrë pjesë në analizën vjetore të policisë në Vlorë, ku ka folur rreth prioriteteve dhe objektivave që ka policia lidhur me parandalimin, zbulimin e ngjarjeve të rënda krimininale si dhe kultivimin e kanabisit. “Dy nga prioritetet që ne diskutuam në analizën e zhvilluar sot ishte parandalimi i ngjarjeve të rënda kriminale, zbulimi i tyre dhe parandalimi i numrit në drejtim të kultivimit të kanabisit. Këto janë pika shumë të forta ku personalisht do të qëndroj fort në çdo drejtori vendore ku kemi zhvilluar e zhvillojmë analizat e punës. Për hir të së vërtetës, Policia e Shtetit ka në dorë hetimet që po i kryen në progres. Nuk dua të jap asnjë përgjigje sepse janë çështje në hetim. Presim një rezultat pozitiv në një kohë të caktuar.”